فیفا ورلڈ کپ 2026 میں شریک جنوبی امریکی ٹیم پیراگوئے کو بڑا دھچکا لگ گیا، ٹیم کے اہم فٹبالر میگوئل المیرون کو ایک میچ کے لیے معطل کر دیا گیا ہے۔
فیفا کے مطابق میگوئل المیرون کو 19 جون کو ترکیہ کے خلاف کھیلے گئے میچ میں ریڈ کارڈ دکھایا گیا تھا، جس کے بعد ان کے خلاف ڈسپلنری کارروائی عمل میں لائی گئی۔
فٹبال کی عالمی تنظیم فیفا کا کہنا ہے کہ میگوئل المیرون کو فیفا ڈسپلنری کوڈ کے آرٹیکل 14.1 بی کی خلاف ورزی پر ایک میچ کی معطلی کی سزا دی گئی ہے۔
فیفا کے مطابق یہ معطلی پیراگوئے کے ورلڈ کپ 2026 کے اگلے میچ میں نافذ العمل ہوگی جبکہ اس فیصلے کے خلاف کسی قسم کی اپیل بھی نہیں کی جا سکتی۔
میگوئل المیرون کی معطلی پیراگوئے کے لیے اہم مرحلے پر ایک بڑا نقصان سمجھی جا رہی ہے کیونکہ وہ ٹیم کے کلیدی کھلاڑیوں میں شمار ہوتے ہیں۔
