لَیّہ (نمائندہ لَیّہ ٹی وی) ڈی ایس پی پٹرولنگ ضلع لَیّہ راؤ عمر فاروق نے محرم الحرام کے دوران سکیورٹی انتظامات کا جائزہ لینے کے لیے ضلع بھر کی مختلف پٹرولنگ پوسٹس کا دورہ کیا۔ اس موقع پر انہوں نے پوسٹوں کے ریکارڈ، ڈیوٹی امور، گشت کے نظام اور مجموعی سکیورٹی انتظامات کا تفصیلی معائنہ کیا۔دورانِ وزٹ ڈی ایس پی راؤ عمر فاروق نے پٹرولنگ پوسٹس کے انچارجز کو سختی سے ہدایات جاری کرتے ہوئے کہا کہ محرم الحرام کے مقدس ایام میں فول پروف سکیورٹی انتظامات کو ہر صورت یقینی بنایا جائے۔ انہوں نے ہدایت کی کہ جن پٹرولنگ پوسٹوں کی حدود میں مجالس اور جلوسوں کا انعقاد ہوتا ہے وہاں دوران گشت جلوسوں، مجالس اور حساس مقامات کی مسلسل نگرانی کی جائے اور مشکوک افراد و سرگرمیوں پر کڑی نظر رکھی جائے۔انہوں نے مزید کہا کہ عوام کے جان و مال کے تحفظ کو اولین ترجیح بنایا جائے اور ڈیوٹی کے دوران مکمل مستعدی، نظم و ضبط اور پیشہ ورانہ ذمہ داری کا مظاہرہ کیا جائے۔ ان کا کہنا تھا کہ امن و امان کے قیام، مذہبی ہم آہنگی کے فروغ اور شہریوں کو محفوظ ماحول کی فراہمی کے لیے تمام دستیاب وسائل بروئے کار لائے جائیں گے۔ڈی ایس پی راؤ عمر فاروق نے اہلکاروں کو ہدایت کی کہ محرم الحرام کے دوران گشت پر مامور اہلکار اپنی ذاتی سکیورٹی کے ساتھ ساتھ پٹرولنگ پوسٹس کی سکیورٹی کو بھی ہائی الرٹ رکھیں۔ انہوں نے زور دیا کہ کسی بھی ناخوشگوار صورتحال سے نمٹنے کے لیے پیشگی منصوبہ بندی، مؤثر رابطہ کاری اور جامع حکمت عملی کے تحت فرائض سرانجام دیے جائیں تاکہ ضلع بھر میں امن و امان کی فضا برقرار رکھی جا سکے۔
