کراچی: سپریم کورٹ کے سینئر جج جسٹس منیب اختر نے قائم مقام چیف جسٹس آف پاکستان کے عہدے کا حلف اٹھا لیا۔حلف برداری کی تقریب سپریم کورٹ کراچی رجسٹری میں منعقد ہوئی، جہاں جسٹس محمد شفیع صدیقی نے جسٹس منیب اختر سے قائم مقام چیف جسٹس کے عہدے کا حلف لیا۔تقریب میں سپریم کورٹ اور وفاقی آئینی عدالت کے معزز ججز سمیت اعلیٰ عدالتی حکام نے شرکت کی۔ حلف برداری کی تقریب انتہائی سادگی اور وقار کے ساتھ منعقد کی گئی۔جسٹس منیب اختر، چیف جسٹس آف پاکستان جسٹس یحییٰ آفریدی کی بیرونِ ملک موجودگی کے دوران قائم مقام چیف جسٹس آف پاکستان کے فرائض انجام دیں گے۔قانونی و عدالتی حلقوں نے امید ظاہر کی ہے کہ جسٹس منیب اختر اپنی پیشہ ورانہ صلاحیتوں اور وسیع عدالتی تجربے کی بنیاد پر عدالتی امور کی مؤثر نگرانی جاری رکھیں گے۔
