ہیرا اڈا چوک اعظم روڈ پر المناک حادثہ، 15 سالہ موٹر سائیکل سوار جاں بحق موٹر سائیکل اور بھوسے سے بھرے اونٹ ریڑھے میں تصادم، ریسکیو کی کوششوں کے باوجود نوجوان جانبر نہ ہو سکا

لیہ (نمائندہ لیہ ٹی وی) ہیرا اڈا چوک اعظم روڈ پر پیش آنے والے ایک افسوسناک ٹریفک حادثے میں 15 سالہ موٹر سائیکل سوار جاں بحق ہوگیا۔
ریسکیو 1122 کے مطابق حادثہ موٹر سائیکل اور بھوسے سے بھرے اونٹ ریڑھے کے درمیان تصادم کے نتیجے میں پیش آیا، جس کے باعث 15 سالہ محمد شہباز شدید زخمی ہوگیا۔
اطلاع ملتے ہی ریسکیو 1122 کی ایمرجنسی ٹیم موقع پر پہنچ گئی اور زخمی نوجوان کو ابتدائی طبی امداد فراہم کرتے ہوئے سی پی آر کی۔ بعد ازاں اسے تشویشناک حالت میں ڈسٹرکٹ ہیڈکوارٹر ہسپتال لیہ منتقل کیا گیا، تاہم وہ زخموں کی تاب نہ لاتے ہوئے جاں بحق ہوگیا۔
ریسکیو 1122 نے شہریوں سے اپیل کی ہے کہ سڑک پر داخل ہوتے وقت مکمل احتیاط برتیں، رفتار کو مناسب رکھیں اور آگے چلنے والی گاڑیوں سے محفوظ فاصلہ برقرار رکھیں تاکہ قیمتی جانوں کو حادثات سے بچایا جا سکے۔