سیٹل: فٹ بال ورلڈ کپ کے گروپ ڈی کے اہم میچ میں امریکا نے آسٹریلیا کو صفر کے مقابلے میں دو گول سے شکست دے کر مسلسل دوسری کامیابی حاصل کر لی اور گروپ میں پہلی پوزیشن سنبھال لی۔
میچ کے دوران امریکی ٹیم کا گیند پر قبضہ 63 فیصد رہا اور اس نے مسلسل جارحانہ کھیل پیش کرتے ہوئے آسٹریلوی دفاع پر دباؤ برقرار رکھا۔ امریکا کو میچ کے 11ویں منٹ میں برتری اس وقت حاصل ہوئی جب آسٹریلوی کھلاڑی کیمرون برجس نے بدقسمتی سے گیند اپنے ہی جال میں پہنچا دی۔
پہلے ہاف کے اختتامی لمحات میں ایلکس فری مین نے ایک اور گول کر کے امریکی ٹیم کی برتری دو گول کر دی۔
دوسرے ہاف میں دونوں ٹیموں نے متعدد حملے کیے، تاہم کوئی بھی ٹیم مزید گول اسکور نہ کر سکی۔ یوں میچ کا اختتام امریکا کی دو صفر سے کامیابی پر ہوا۔
اس فتح کے ساتھ امریکا نے مجموعی طور پر چھ پوائنٹس حاصل کر لیے ہیں اور وہ گروپ ڈی میں سرفہرست آ گئی ہے۔ یہ فٹ بال ورلڈ کپ کی 96 سالہ تاریخ میں پہلا موقع ہے کہ امریکی ٹیم نے مسلسل دو میچز جیت کر نئی تاریخ رقم کی ہے۔
