لاس اینجلس میں کھیلے گئے فٹ بال ورلڈ کپ کے ایک اہم میچ میں سوئٹزرلینڈ نے بوسنیا ہرزیگووینا کو 1 کے مقابلے میں 4 گول سے شکست دے کر تین قیمتی پوائنٹس اپنے نام کر لیے۔
میچ کے پہلے ہاف میں دونوں ٹیموں نے ایک دوسرے کے گول پر متعدد حملے کیے، تاہم کوئی بھی ٹیم برتری حاصل نہ کر سکی اور وقفے تک مقابلہ بغیر کسی گول کے برابر رہا۔
دوسرے ہاف میں سوئٹزرلینڈ نے جارحانہ کھیل پیش کیا اور انجری ٹائم سمیت صرف 23 منٹ کے دوران چار گول اسکور کر کے میچ کا رخ مکمل طور پر اپنے حق میں موڑ لیا۔ متبادل کھلاڑی یوہان منزمبی نے دو گول کیے جبکہ روبین ورگاس اور گرانیت ژاکا نے ایک، ایک گول اسکور کیا۔
بوسنیا ہرزیگووینا کو اس وقت مزید مشکلات کا سامنا کرنا پڑا جب ان کے کھلاڑی موہاری مووچ کو ریفری نے ریڈ کارڈ دکھا کر میدان سے باہر بھیج دیا۔ بوسنیا کی جانب سے واحد گول 93ویں منٹ میں محمک نے کیا۔
میچ کے اختتام پر سوئٹزرلینڈ نے 4-1 سے کامیابی حاصل کرتے ہوئے تین اہم پوائنٹس حاصل کیے اور اگلے راؤنڈ میں رسائی کے امکانات مزید روشن کر لیے۔
