لَیَّہ (نمائندہ لَیَّہ ٹی وی) حکومت پنجاب اور محکمہ تحفظ ماحول کی ہدایات پر ضلع لَیَّہ میں ماحولیاتی قوانین کی خلاف ورزی کرنے والے بھٹہ جات کے خلاف کارروائیاں جاری ہیں۔ اس سلسلے میں ای پی اے لَیَّہ کی ٹیم نے اسسٹنٹ ڈائریکٹر ماحولیات محمد ارشد چغتائی کی نگرانی میں مختلف بھٹہ جات کا معائنہ کیا۔کارروائی کے دوران زگ زیگ ٹیکنالوجی کی خلاف ورزی پر 9 بھٹہ جات کی غیر قانونی اینٹوں کی بھرائی مسمار کر دی گئی جبکہ 7 بھٹہ مالکان کے خلاف مقدمات درج کروائے گئے۔ مزید برآں ایک لاکھ روپے سے زائد کے جرمانے بھی عائد کیے گئے۔محکمہ ماحولیات کے حکام کا کہنا ہے کہ ماحولیاتی آلودگی کے خاتمے اور حکومتی احکامات پر عملدرآمد کو یقینی بنانے کے لیے ایسی کارروائیاں بلا تعطل جاری رہیں گی۔
