لَیَّہ (نمائندہ لَیَّہ ٹی وی) حالیہ بارشوں کے باعث لدھانہ مائنر سے بھاگل نہر کے قریب سڑک میں پڑنے والے گڑھے اور کٹاؤ کی خبر پر ڈپٹی کمشنر لَیَّہ آصف علی ڈوگر نے فوری نوٹس لیتے ہوئے متعلقہ محکمہ کو ہنگامی بنیادوں پر مرمت کے احکامات جاری کر دیے۔ ضلعی انتظامیہ کی ہدایت پر متعلقہ عملہ موقع پر پہنچ گیا اور سڑک کے متاثرہ حصے کی فوری مرمت کرتے ہوئے گڑھے کو مٹی سے بھر دیا، جس کے بعد آمدورفت کو محفوظ بنا دیا گیا۔ڈپٹی کمشنر آصف علی ڈوگر نے ہدایت کی کہ ضلع بھر میں بارشوں سے متاثرہ سڑکوں اور شاہراہوں کی مسلسل نگرانی کی جائے اور جہاں کہیں بھی سڑکوں کو نقصان پہنچے وہاں فوری مرمت یقینی بنائی جائے تاکہ شہریوں کو محفوظ اور بہتر سفری سہولیات میسر رہیں۔
