ملتان24اگست(لیہ ٹی وی)منیجنگ ڈائریکٹر واسا خالد رضا خان کی ہدایت پر نکاسی آب کی شکایات کے تدارک اور مون سون پلان کے تحت سیوریج لائنوں کی صفائی کیلئے آپریشن تیزی سے جاری ہے تمام سیوریج سب ڈویژنوں کی سطح پر ٹیمیں دن اور رات کے شیڈول کے مطابق ڈی سلٹنگ کرنے میں سرگرم ہیں جمعہ کی شب اورہفتہ کے روز شہر کے مختلف علاقوں میں ٹیموں نے مشینری کے ہمراہ سیوریج لائنوں کی بھرپور صفائی اور شکایت کا ازالہ کیااور سیوریج سب ڈویژنوں کی جانب سے ایم ڈی واسا کو اپنی اپنی حدود میں ڈی سلٹنگ مہم کے حوالے سے کارکردگی رپورٹ بھی پیش کی رپورٹ کے مطابق پولیس لائن روڈ،علی ٹاؤن رکشہ سٹاپ،فوجی چوک مجتبیٰ کینال،خانیوال روڈ حسن آباد گیٹ نمبر 2،آفیسر کالونی،کہکشاں سٹریٹ نمبر 5،نور اسلام،احباب کالونی، ممتاز آباد روڈ،نقشبند کالونی مین لائن،خوشحال کالونی سٹریٹ نمبر 08،13،بسم اللہ کالونی سٹریٹ نمبر 06،اسلام پورہ، کریم پورہ،بلال نگر،قاسم بیلہ مین لائن،لاثانی کالونی،کوٹ ربنواز وہاڑی روڈ،چاہ ڈھوری والا،پیر کالونی،واحد آباد،نوید ٹاؤن،اسلام نگر سٹریٹ نمبر 06،نواں شہر،پل شوالہ شجرا والی گلی،بستی لنگڑیال،وحدت کالونی،چونگی نمبر 6،60فٹی روڈ کے علاقوں کے درجنوں مین ہولز کی صفائی کی گئی جس پرایم ڈی واسا نے تمام ڈپٹی ڈائریکٹرز سیوریج کو اپنی اپنی حدود میں سیوریج لائنوں کی صفائی مہم میں مزید تیزی لانے اور لائنوں کی صفائی پر مامور سٹاف کیلئے تمام ضروری حفاظتی اقدامات کرنے کی ہدایت کی ہے دریں اثناء سیوریج سب ڈویژنوں کی سطح پر ٹوٹ پھوٹ کے شکار مین ہولز کی مرمت کا سلسلہ بھی جاری ہے اور آئندہ بارشوں کی پیشنگوئی کے حوالے سے الرٹ رہنے کا حکم دیا
