اسسٹنٹ کمشنر لیہ رانا زوہیب کریم کی زیر صدارت صدر نمبردار ایسوسی ایشن کا اجلاس، مسائل کے حل کیلئے احکامات جاری نمبرداران کے انتظامی و ریونیو معاملات پر تفصیلی غور، بہتر رابطہ کاری اور فوری اقدامات کی ہدایت

لیہ(نمائندہ لیہ ٹی وی) اسسٹنٹ کمشنر لیہ رانا زوہیب کریم کی زیر صدارت صدر نمبردار ایسوسی ایشن کے مسائل کے حل کے حوالے سے ایک اہم اجلاس منعقد ہوا۔ اجلاس میں نمبرداران کو درپیش مسائل، انتظامی امور اور ریونیو سے متعلقہ معاملات پر تفصیلی غور کیا گیا۔اجلاس میں صدر نمبردار ایسوسی ایشن کے نمائندگان نے مختلف مسائل اور تجاویز پیش کیں، جنہیں اسسٹنٹ کمشنر نے توجہ سے سنا۔ اس موقع پر متعلقہ افسران کو ہدایت جاری کی گئی کہ نمبرداران کے مسائل کے فوری حل، بہتر رابطہ کاری اور ریونیو معاملات میں شفافیت کو یقینی بنایا جائے۔رانا زوہیب کریم نے کہا کہ نمبرداران دیہی سطح پر انتظامی نظام میں اہم کردار ادا کرتے ہیں اور ان کے مسائل کا بروقت حل ضلعی انتظامیہ کی ترجیحات میں شامل ہے۔ انہوں نے متعلقہ محکموں کو ہدایت کی کہ عوامی خدمت کے عمل کو مزید مؤثر اور سہل بنایا جائے تاکہ شہریوں کو ریلیف فراہم کیا جا سکے۔