رحیم یارخان 24اگست(لیہ ٹی وی)ایڈیشنل چیف سیکرٹری ساوتھ پنجاب فواد ہاشم ربانی نے شیخ زید ہسپتال کا دورہ کیا اور وزیراعلی پنجاب مریم نواز شریف کےرحیم یار خان کے دورے کے سلسلے میں انتظامات کا جائزہ لیا۔ایڈیشنل چیف سیکرٹری ساوتھ پنجاب نے ماچھکہ حملے میں زخمی ہونیوالے پولیس اہلکاروں کی عیادت بھی کی۔زخمی پولیس جوانوں کے حوصلے بلند تھے۔میڈیکل سپرنٹنڈنٹ شیخ زید ہسپتال ڈاکٹر امجد راو نے ایڈیشنل چیف سیکرٹری کو بریفنگ دی۔ پرنسپل شیخ زید میڈیکل بھی ان کے ہمراہ تھے۔ ایڈیشنل چیف سیکرٹری فواد ہاشم ربانی نے زخمی پولیس اہلکاروں کو فراہم کی جانیوالی طبی سہولیات پر اطمینان کا اظہار کیا۔ انہوں نے اس موقع پر گفتگو کرتے ہوئے کہا کہ ماچھکہ حملے میں شہید ہونیوالے اہلکاروں کی قربانیوں کو ہمیشہ یاد رکھا جائے گا اور ان کی فیملیز کی مکمل دیکھ بھال کی جائےگی۔ انہوں نے بتایا کہ کچےکے ڈاکووں کے خلاف فیصلہ کن آپریشن جاری ہے۔
جمعہ, دسمبر 5, 2025
