لَیَّہ (نمائندہ لیہ ٹی وی) لیہ ویمن چیمبراف کامرس اینڈ انڈسٹری کے زیرِ اہتمام “بنیان المرصوص، معرکۂ حق” کی پہلی سالگرہ کے موقع پر پاک فوج کی لازوال قربانیوں، جرات اور وطنِ عزیز کے دفاع کے لیے دی جانے والی خدمات کو زبردست خراجِ تحسین پیش کیا گیا۔ اس موقع پر خطاب کرتے ہوئے چیمبر کی بانی شکیلہ بانو سمرا نے کہا کہ پاکستان کی بہادر افواج نے ہمیشہ ملک کی سلامتی، خودمختاری اور دفاع کو یقینی بنایا ہے۔ انہوں نے کہا کہ “معرکۂ حق” کی کامیابی پوری پاکستانی قوم کے اتحاد، جذبۂ حب الوطنی اور پاک فوج کی پیشہ ورانہ صلاحیتوں کا منہ بولتا ثبوت ہے۔اس موقع پر نائب صدر ایمن نذیر نے گفتگو کرتے ہوئے کہا کہ پاک فوج ہماری آزادی، امن اور خودمختاری کی ضامن ہے۔ انہوں نے کہا کہ “بنیان المرصوص، معرکۂ حق” کی یاد قوم کے حوصلے اور اتحاد کو مزید مضبوط کرتی ہے۔ ان کا کہنا تھا کہ شہداء کی قربانیوں کو ہمیشہ یاد رکھا جائے گا اور قوم اپنے بہادر سپاہیوں کو سلام پیش کرتی رہے گی۔
