ڈسٹرکٹ ویجیلنس کمیٹی کا اجلاس، مزدوروں کو درپیش مسائل اور جبری مشقت کے خاتمے کے حوالے سے اقدامات کا تفصیلی جائزہ

لیہ(نمائندہ لیہ ٹی وی) ایڈیشنل ڈپٹی کمشنر جنرل شبیر احمد ڈوگر کی زیر ڈسٹرکٹ ویجیلنس کمیٹی کا اجلاس منعقد ہوا۔اجلاس نیں میں ڈی ایس پی محمد حیات، ڈی ای او گل شیر، لیبر انسپکٹر محمد افضل،ڈپٹی ڈسٹرکٹ اٹارنی رانا محمد بلال و دیگر متعلقہ افسران شریک ہوئے۔ اجلاس کے دوران ضلع میں بھٹہ مزدوروں کی فلاح، مزدوروں کو درپیش مسائل اور جبری مشقت کے خاتمے کے حوالے سے اقدامات کا تفصیلی جائزہ لیا گیا۔اے ڈی سی جی شبیر احمد ڈوگر نے اجلاس میں گفتگو کرتے ہوئے کہا کہ مزدور طبقہ معیشت میں ریڑھ کی ہڈی کی حیثیت رکھتا ہے اس لیے ان کے حقوق کا تحفظ ہر صورت یقینی بنایا جائےمتعلقہ محکمے سوشل سیکیورٹی کارڈز کے اجرا کے عمل کو تیز کریں تاکہ مزدوروں کو بنیادی سہولیات کی فراہمی میں آسانی ہو۔ انہوں نے کہا کہ حکومت پنجاب کی جانب سے متعارف کردہ راشن کارڈ سکیم مزدوروں کی مالی معاونت کے لیے اہم اقدام ہے جس سے ان کے معیارِ زندگی میں بہتری آئے گی۔اجلاس میں چائلڈ لیبر کے سدباب اور جبری مشقت کے خاتمے کے لیے جاری اقدامات کا بھی جائزہ لیا گیا۔اے ڈی سی جی شبیر احمد ڈوگر نے کہا کہ زیرو ٹالرینس پالیسی کے تحت خلاف ورزی کرنے والوں کے خلاف بلا تاخیر کارروائی عمل میں لائی جائے۔