لیہ(نمائندہ لیہ ٹی وی ) وزیراعلیٰ KPI کی ماہ مارچ کی رینکنگ جاری کر دی گئی۔ ڈپٹی کمشنر آصف علی ڈوگر کی زیر قیادت ضلع لیہ بدستور ٹاپ تھری میں شامل۔ تفصیلات کے مطابق وزیر اعلیٰ پنجاب کی پرفارمینس انڈیکیٹرز کے تحت گروپ 3 کے 17 اضلاع میں ضلع لیہ نے ایک بار پھر مجموعی طور پر تیسری پوزیشن حاصل کر لی ہے۔ یہ رینکنگ 32 اہم کارکردگی پوائنٹس پر مشتمل ہے، جن میں پرائس کنٹرول، انفورسمنٹ، انسداد تجاوزات، ستھرا پنجاب، ترقیاتی منصوبے، شکایات کے ازالہ اور سروس ڈیلیوری سمیت دیگر اہم انتظامی امور شامل ہیں۔ ڈپٹی کمشنر آصف علی ڈوگر نے بہترین کارکردگی پر انتظامی افسران اور متعلقہ اداروں کو شاباش دیتے ہوئے اسی جذبہ سے کام جاری رکھنے کی ہدایت کی ہے۔ انہوں نے کہا ہے کہ ضلع لیہ کی فلاح وبہبود کے لئے اور عوام کو ریلیف کی فراہمی کے لئے بھرپور اقدامات اٹھائے جائیں گے۔
