لیہ(نمائندہ لیہ ٹی وی) ٹیوٹا ضلع لیہ کے زیر انتظام چلنے والے گورنمنٹ کالج آف ٹیکنالوجی لیہ، کے کمپیوٹر انفارمیشن ٹیکنالوجی, ڈریس ڈیزائننگ اینڈ میکنگ کی سال دوئم و سوئم کلاس کے طلباءکے لیے ڈیجیٹل و ٹیکنیکل سکلز کی اہمیت پر ایک روزہ ٹریننگ کا اہتمام کیا گیا، موٹیویشنل سپیکر اور ٹرینر سید عمران علی شاہ، نے طلباء کو ٹریننگ دی، ان کا کہنا تھا کہ دور جدید میں ڈیجیٹل سکلز کی اہمیت سے کسی طور بھی انکار نہیں کیا جاسکتا آج کے نوجوان بچے اور بچیاں ای کامرس، فری لانسنگ، گرافکس ڈیزائننگ، ویب ڈیولپمنٹ جیسے ہنر سیکھ کر معاشی خودمختاری حاصل کرنے میں کامیاب ہو سکتے اور ساتھ کے ساتھ ملک کے لیے زرمبادلہ لانے کا موجب بھی بن سکتے ہیں، پرنسپل گورنمنٹ (گرلز) کالج آف ٹیکنالوجی لیہ ذکیہ انور نے کہا کہ، نوجوان نسل ہمارا قومی اثاثہ ہے ،نوجوانوں کی صلاحیتوں کو اجاگر کرنے کے لیے اس قسم کی تربیتی ورکشاپس بہت کلیدی کردار ادا کرتی ہیں، ٹریننگ کے آخر پر پرنسپل اور سٹاف نے، سید عمران علی شاہ کا شکریہ ادا کیا،
