ضلع بھر میں حالیہ بارشوں سے نہروں کے اطراف میں پڑنے والے گڑھوں کو مٹی سے بھرنے کا کام جاری

لیہ 22 اگست2024( لیہ ٹی وی)ضلع بھر میں حالیہ بارشوں سے نہروں کے اطراف میں پڑنے والے گڑھوں کو مٹی سے بھرنے کا کام جاری ہے۔ یہ بات ایکسیئن انہار عبد الروف نے بتائی۔ انہوں نے کہا کہ مون سون بارشوں سے چھوٹی بڑی نہروں کے اطراف میں گڑھے/ رین کٹس بن گئے تھے جن کی نشاندہی کے بعد مٹی سے بھرنے کا کام جاری ہے۔ انہوں نے بتایا کہ اس سلسلہ میں فیلڈ سٹاف اور مشینری مصروف عمل ہے جس سے نہروں کے پشتے مضبوط ہوں گے اور پانی کے بہاؤ میں بھی بہتری آئے گی