لیہ 22 اگست2024( لیہ ٹی وی)حکومت پنجاب کی ہدایت پرغیرقانونی ایل پی جی سلنڈر کی ریفلنگ کرنے والوں کے خلاف سخت ایکشن جاری ہے اس ضمن میں اسسٹنٹ کمشنر حارث حمیدخان نے چوک اعظم میں مختلف دوکانوں کے معائنے کیے۔اسسٹنٹ کمشنر حارث حمیدخان نے معائنہ کے موقع پر غیرقانونی ری فلنگ کرنے والی دوکان کو سیل کردیا اور متعلقہ سامان ضبط کر لیا گیا۔انہوں نے کہاکہ غیرقانونی ایل پی جی سلنڈر کی ریفلنگ سے حادثات سے اضافہ ہورہا ہے اس لیے ایل پی جی پر چلنے والی گاڑیوں کو تھانہ میں بند کیا جائے گا ناقص سلنڈرز گاڑیوں سے اتار لئے جائیںگے اور گاڑیوں میں غیر قانونی ری فلنگ کرنے والے افراد کے خلاف بھی کارروائی عمل میں لائی جائے۔انہوں نے مزید کہاکہ شہری اپنے ارد جہاں بھی غیرقانونی ری فلنگ کا عمل دیکھیں تو شکایت کریں جس پر فوراً کارروائی عمل میں لائی جائے گی۔اس موقع پراسسٹنٹ سیکرٹری آرٹی اے بھی ہمراہ تھے۔
