لیہ (نمائندہ لیہ ٹی وی)ڈپٹی کمشنر لیہ امیرا بیدار کی دعوت پرطالبہ ہانیہ محمود کی ڈی سی آفس میں بطور مہمان آمد۔ہانیہ محمود نے ڈی جی خان ڈویژن میں میڑک کے امتحان میں 1187 نمبر لے کر پہلی پوزیشن حاصل کی تھی ہانیہ محمود ڈی پی ایس گرلزونگ کی طالبہ ہیںاس موقع پر ڈپٹی کمشنر امیرابیدار نے طالبہ کو مبارکباد دی۔ڈپٹی کمشنر نے ہانیہ محمود کو حوصلہ افزائی کے طور پر اعزازی سند اور نقد انعام بھی دیا۔ڈپٹی کمشنر نے کہاکہ وزیراعلی پنجاب خواتین کی ترقی وخوشحالی کے لیے اقدامات اُٹھارہی ہیںآپ کی پہلی پوزیشن نے بچیوں کا حوصلہ بلندکردیاہے دعاہے کہ آپ مزید دن دگنی رات چوگنی ترقی کریں۔ڈپٹی کمشنر نے کہاکہ پنجاب میں خواتین کی تعلیمی ترقی کے بے پناہ مواقع ہیںعلاقہ کی طالبات بہترین طریقہ سے اپنی صلاحیتیں منوارہی ہیں۔ڈپٹی کمشنر نے پرنسپل ڈی پی ایس گرلز ونگ طاہرہ ذوالفقار کو بھی اعزازی شیلڈدی۔ طالبہ ہانیہ محمود لیہ کے معروف دانشور،نامور شاعر، نقاد ،محقق، مترجم اور ماہرتعلیم خیال امروہی کی نواسی اورسابق سینئرڈائریکٹرمحکمہ انفارمیشن رانا اعجاز محمود مرحوم کی بھیتجی ہیں۔
