ملک میں ادویات اور فارمامصنوعات کی فروخت میں گزشتہ مالی سال کی آخری سہ ماہی میں نمایاں اضافہ ریکارڈکیاگیا

اسلام آباد۔21اگست (لیہ ٹی وی):ملک میں ادویات اور فارمامصنوعات کی فروخت میں گزشتہ مالی سال کی آخری سہ ماہی میں نمایاں اضافہ ریکارڈکیاگیا۔ ٹاپ لائن سکیورٹیز اور انڈسٹری کے اعدادوشمار کے مطابق گزشتہ مالی سال کی آخری سہ ماہی میں فارما مصنوعات اور ادویات کی مجموعی فروخت کا حجم 237 ارب روپے ریکارڈکیاگیاہے۔ مالی سال 2023 کی آخری سہ ماہی میں ادویات اور فارما مصنوعات کی فروخت کامجموعی حجم 189 ارب روپے ریکارڈکیاگیاتھا۔اعدادوشمار کے مطابق مالی سال 2024 میں ادویات اور فارمامصنوعات کی مجموعی فروخت کاحجم 916 ارب روپے ریکارڈکیاگیا جو مالی سال 2023 میں 750 ارب روپے اور مالی سال 2022 میں 656 ارب روپے تھا۔ اعدادوشمار کے مطابق گزشتہ مالی سال کی پہلی سہ ماہی میں ادویات اور فارما مصنوعات کی فروخت کاحجم 221 ارب روپے ، دوسری سہ ماہی میں 229 ارب روپے اور تیسری سہ ماہی میں 229 ارب روپے ریکارڈکیاگیا ۔