اسلام آباد:اسلام آباد چیمبر آف کامرس کی جانب سے پاکستان کے جیولین سپر سٹار اولمپک گولڈ میڈلسٹ ارشد ندیم کے اعزاز میں تقریب کا انعقاد کیا گیا، آئی سی سی آئی صدر احسن ظفر بختاری نے ارشد ندیم کو 10 لاکھ روپے کا چیک دیا ، اسلام آباد کی تاجر برادری کی جانب سےبھی ارشد ندیم کو 50 لاکھ روپے کا ا چیک بھی پیش کیا ۔ اسلام آباد چیمبر آف کامرس میں منعقدہ تقریب کے دوران اظہار خیال کرتے ہوئے ارشد ندیم نے کہا کہ میری کامیابی قوم اور والدین کی دعائوںاور میری محنت اور لگن کا ثمر ہے،کامیابی کے پیچھے ایک طویل سفر ہے۔انہوں نے اپنی کارکردگی کو برقرار رکھنے کا عزم کیا۔تقریب سے صدر آئی سی سی آئی احسن ظفر بختاوری نے خطاب کرتے ہوئے کہا کہ قومی یکجہتی کو فروغ دینے میں کھیلوں کا اہم کردار ہے ، ارشد ندیم قومی ہیرو ہے ، ارشد ندیم نے ایک مشکل وقت میں قوم کے حوصلے بلند کرتے ہوئے اولمپک میڈل کے لئے پاکستان کا 32 سالہ انتظار ختم کیا۔بختاوری نے نوجوانوں کو صحت مند سرگرمیوں کی طرف راغب کرنے، ہم آہنگی کو فروغ دینے اور امن و سکون کو فروغ دینے کے لیے کھیلوں کو فروغ دینے کی ضرورت پر زور دیا۔ دنا سے مقابلہ کرنے کیلئے ہمیں دیگر میدانوں کے ساتھ ساتھ کھیل کے میدان آبا کرکے ارشد ندیم جیسے مزید کھلاڑی پیدا کرنےہونگےتاکہ پاکستان کا سر فخر سے بلند ہو۔ آئی سی سی آئی اسلام آباد میں سپورٹس اکیڈمی کے قیام کی منصوبہ بندی کر رکھی ہے جسے ارشد ندیم کے نام سے منسوب کیا جائے گا۔ظفر بختاوری سیکرٹری جنرل یونائیٹڈ بزنس گروپ نے کہا کہ ارشد ندیم نے گولڈ میڈل جیت کر مایوسیوں میں گھری قوم میں امید کی شمع روشن کی ہے۔ ارشد ندیم نے اس مشکل وقت میں قوم میں اتحاد پیدا کیا جو کہ وقت کی اہم ضرورت ہے۔انہوں نے مزید کہا کہ کھیل قوموں کو ایک دوسرے کے قریب لانے اور دنیا بھر میں امن اور ہم آہنگی کو فروغ دینے میں ہمیشہ اہم کردار ادا کرتے ہیں۔ سینئر نائب صدر آئی سی سی آئی فاد وحید نے کم وسائل کے باوجود ارشد ندیم کی محنت اور عزم کی وجہ سے گولڈ میڈل جیتا ۔ نوجوانوں کو صحت مند ماحول دینے کیلئے کھیلوں کو فروغ دینا ہو گا۔نائب صدر انجینئر اظہر الاسلام ظفر نے کہا کہ ارشد ندیم نے تمغہ جیت کر قوم کوتحفہ دیا جس پر ہم اس کے مقروض ہیں جس کا جشن ملک بھر میں منایا جا رہا ہے۔ ارشد ندیم کے اکوچ سلمان اقبال نے تقریب کے انعقاد پر آئی سی سی آئی اور ملک بھر کی تاجر برادری کا شکریہ ادا کرتے ہوئے کہا کہ کھیلوں کی سرپرستی قوم کی ایک عظیم خدمت ہوگی۔تقریب میں جڑواں شہروں کی تاجر برادری، سول سوسائٹی، طلباء اور میڈیا کے نمائندوں نے بڑی تعداد میں شرکت کی۔
