لیہ۔ وزیر اعلیٰ پنجاب مریم نواز شریف کے وژن ستھرا پنجاب مہم پر عملدرآمد جاری ، ڈپٹی کمشنر لیہ امیرا بیدار کی ہدایت پر انتظامی افسران کی طرف سے صفائی مہم کی مانیٹرنگ ، اسسٹنٹ کمشنر حارث حمید خان کا یونین کونسل 7 کوٹ سلطان بستی جیسل کلاسرہ میں ستھرا پنجاب مہم کا معائنہ۔ ڈپٹی ڈائریکٹر ڈویلپمنٹ کامران جاوید بھی ان کے ہمراہ ل، ڈپٹی ڈائریکٹر لوکل گورنمنٹ عبدالصمد نے اس موقع پر بریفنگ دی، اسسٹنٹ کمشنر نے بستی جیسل میں کی جانے والی صفائی مہم کا جائزہ لیا ،
اسسٹنٹ کمشنر نے بستی جیسل کے نقشہ کے مطابق نصب کوڑا دان اور چونے کے چھڑکاؤ کا بھی معائنہ کیا ،اس موقع پر اسسٹنٹ کمشنر حارث حمید خان نے کہا کہ وزیر اعلیٰ پنجاب کے ستھرا پنجاب مہم کو کامیاب بنا کر صفائی کے اہداف حاصل کرنا ہوں گے۔، صفائی ستھرائی کے اقدامات میں کمیونٹی کا تعاون اہمیت کا حامل ہے۔ عوام کوڑا کرکٹ نصب شدہ کوڑا دان میں ڈالیں۔ اپنے گھر اور گلی کو صاف رکھنے میں ہر فرد کردار ادا کرے۔
سینیٹری ورکرز بستی جیسل کلاسرہ میں صفائی کے عمل میں مصروف ہیں
