سیاسی اشرافیہ عدالتوں کو سیاست کا اکھاڑا بنا رہی ہے،بیرسٹر محمد علی سیف

پشاور(لیہ ٹی وی)مشیرِ اطلاعات خیبر پختون خوا بیرسٹر محمد علی سیف نے کہا ہے کہ سیاسی اشرافیہ عدالتوں کو بھی سیاست کا اکھاڑا بنا رہی ہے۔ ایک بیان میں انہوں نے اسلام آباد ہائی کورٹ میں حالیہ ججز کے تبادلوں کی مذمت کی اور اس فیصلے کے خلاف وکلاء برادری کے ساتھ کھڑے ہونے کا اعلان کیا۔
بیرسٹر محمد علی سیف کا کہنا تھا کہ ججز کے تبادلے نظامِ انصاف کو مفلوج کرنے کے مترادف ہیں۔ انہوں نے مزید کہا کہ اگر دلوں میں نفرتیں ہوں تو جرگہ بےکار ہوگا۔ پی ٹی آئی کے رہنما نے جعلی حکومت کے غیر قانونی فیصلوں کے خلاف وکلاء، صحافیوں اور سیاستدانوں کے سڑکوں پر نکلنے کا تذکرہ کرتے ہوئے کہا کہ یہ فیصلے انصاف کے اصولوں کے خلاف ہیں۔