پرویز الہٰی بیماری کے باعث عدالت میں پیش نہ ہو سکے، فردِ جرم عائد نہ ہو سکی

لاہور(لیہ ٹی وی)لاہور میں اینٹی کرپشن عدالت کو آگاہ کیا گیا ہے کہ سابق وزیرِ اعلیٰ پنجاب چوہدری پرویز الہٰی کو بیماری کے باعث چلنے میں دشواری کا سامنا ہے۔ یہ انکشاف اینٹی کرپشن کورٹ کے جج سردار اقبال ڈوگر کے روبرو سماعت کے دوران پرویز الہٰی کے وکیل نے کیا۔
سماعت کے دوران شریک ملزم اور سابق پرنسپل سیکریٹری محمد خان بھٹی عدالت میں پیش ہوئے، جبکہ پرویز الہٰی کے وکیل نے میرٹ کے برعکس بھرتیوں کے مقدمے میں ان کے لیے ایک پیشی کے استثنیٰ کی درخواست دائر کر دی۔
پرویز الہٰی کی غیر حاضری کے باعث ان پر فردِ جرم عائد نہ ہو سکی، جس کے بعد عدالت نے مقدمے کی مزید کارروائی 18 فروری تک ملتوی کر دی۔