4 فروری ،لیہ ٹی وی: مراکش میں پیش آنے والے کشتی حادثے میں جاں بحق ہونے والے 13 پاکستانیوں کی شناخت مکمل کر لی گئی ہے۔ سفارتی ذرائع کے مطابق ان تمام افراد کا تعلق پاکستان سے ثابت ہوا ہے۔
شناخت ہونے والے افراد میں سفیان علی، سجاد علی، رئیس افضل، قصنین حیدر، محمد وقاص، محمد اکرم، محمد ارسلان خان، حامد شبیر، قیصر اقبال، دانش رحمٰن، محمد سجاول، شہزاد احمد، اور احتشام شامل ہیں۔ ان تمام افراد کی شناخت نادرا کی مدد سے فنگر پرنٹس اور تصاویر کے ذریعے کی گئی ہے۔
واضح رہے کہ 15 جنوری کو اس حادثے میں 44 پاکستانیوں کے جاں بحق ہونے کی اطلاعات سامنے آئی تھیں، تاہم اب ذرائع کا کہنا ہے کہ مقامی حکام کو صرف 13 پاکستانیوں کی لاشیں ملی ہیں۔
سفارتی ذرائع کے مطابق ان شناخت شدہ لاشوں کی فہرست وزارتِ خارجہ کو جلد ارسال کی جائے گی، جس کے بعد لاشوں کی وطن واپسی کا عمل شروع کر دیا جائے گا۔
