اوکاڑہ(لیہ ٹی وی)اوکاڑہ میں سوشل میڈیا پر جھوٹی ڈکیتی کی پوسٹ وائرل کرنے پر مقدمہ درج کر لیا گیا۔ پولیس کے مطابق ملزم نے واٹس ایپ گروپ میں ڈکیتی کے حوالے سے جھوٹی پوسٹ شیئر کی تھی۔ سب انسپکٹر کی مدعیت میں پیکا ایکٹ کے تحت مقدمہ درج کیا گیا ہے۔ یہ واقعہ ایک ایسے وقت میں پیش آیا جب مظفر گڑھ میں سوشل میڈیا پر مذہبی منافرت پھیلانے کے الزام میں ایف آئی اے سائبر کرائم ونگ نے پہلا مقدمہ درج کیا۔ اس مقدمے میں ایک شخص کی جان کو خطرے میں ڈالنے والی توہینِ مذہب کی جھوٹی پوسٹ اپ لوڈ کرنے والے ملزم کو ایف آئی اے سائبر کرائم ونگ نے گرفتار کر کے پیکا ایکٹ کے تحت کارروائی شروع کر دی ہے۔
