لیہ: وزیر اعلیٰ پنجاب مریم نواز شریف کے ویژن کے مطابق زمینوں کے تنازعات کے حل کے لئے مشترکہ مشترکہ کھیوٹ کی تقسیم کے انقلابی اقدام پر عملدرآمد جاری ہے اور عوام کو اس سلسلہ میں باقاعدہ آگاہی دی جا رہی ہے ۔اس سلسلہ میں ڈپٹی کمشنر امیرا بیدار کی زیر صدارت تحصیل لیہ چک 114 میں آگاہی سیمینار منعقدہوا۔ سیمینار میں اسسٹنٹ کمشنر حارث حمید خان،ڈپٹی ڈائریکٹرڈویلپمنٹ کامران جاوید، تحصیلدار قسور عباس ، ریونیو سٹاف اور زمینداروں کی بڑی تعداد موجود تھی ۔ ڈپٹی کمشنر نے سیمینار سے خطاب کرتے ہوئے کہا کہ حکومت پنجاب نے پلس پراجیکٹ کے تحت مختلف اضلاع میں مر حلہ وارمشترکہ کھیوٹ کی تقسیم کاعمل شروع کردیا ہے تاکہ اراضی ریکارڈ میں ایک مالک، ایک ونڈا کی حوصلہ افزائی کی جا سکے ۔ انہوں نے کہا کہ زمینوں کے تنازعات کے خاتمے اور زرعی اراضی کی تقسیم کے لیے اپنے متعلقہ ریونیو عملہ سے آگا ہی حاصل کریں۔ ڈپٹی کمشنر نے کہا کہ حکومت پنجاب نے مشترکہ کھاتوں کی تقسیم پر عائد فیس بھی ختم کردی ہے لہٰذا اپنے گا وں میں آنے والے ریونیوعملے اور نمبرداران سے تعاون کریں اپنے اراضی حقوق کے بہتر تحفظ کے لیے سمجھداری کا مظاہرہ کریں اور تقسیم کے عمل کو مکمل بروقت مکمل کروائیں
