ملتان: کپاس کے کاشتکار کھیت سے پانی کی نکاسی کو بہتر کریں۔ یہ بات سینیئر زراعت آفیسر جلالپور پیر والہ محمد طلحہ شیخ نے یونین کونسل بہادر پور، کوٹلہ چاکر میں کپاس کے مختلف کھیتوں کا معائنہ کرتے ہوئے کہی۔ اس موقع پر انہوں نے کپاس کی پیسٹ سکاوءٹنگ کی اور کاشت کاروں سے بات چیت کرتے ہوئے کہا کہ وہ کھیت میں سے جڑی بوٹیوں کی تلفی کو یقینی بنائیں اور سبز تیلے اور سفید مکھی کا بروقت تدارک کریں نیز گلابی سنڈی کے تدارک کے لیے حفاظتی سپرے کریں، اگر کسی وجہ سے فصل بڑھوتری نہیں کر رہی تو یوریا بحساب 20 کلوگرام اور سلفر 02 کلوگرام فی ایکڑ فلڈ کریں اور امائینو ایسڈ کا سپرے کریں۔ انشاءاللہ فصل بڑھوتری کی طرف گامزن ہوگی۔اور اگر فصل کیرا کر رہی ہے تو 300 گرام زنک سلفیٹ، 200 گرام فیرس سلفیٹ، 200 گرام میگانیز، 200 گرام بورک ایسڈ اور 500 گرام پوٹاشم ناٸٹریٹ 100 لیٹر پانی میں مکس کر کے صحیح وقت پر سپرے کریں۔جس سے پھول گڈی کا کیرا کم ہوگا اور فصل ہری بھری رہے گی۔۔ اس موقع پر قاری محمد عامر، راشد رحمانی ، اظہر شاہ, محمد زبیر ، عبد الباسط وغیرہ بھی ان کے ھمراہ تھے
