لیہ(نمائندہ لیہ ٹی وی)حکومت پنجاب کے احکامات کی روشنی میں ضلع بھر میں سڑکوں کی تعمیر و مرمت جاری ہے۔ ڈپٹی کمشنر امیرا بیدار کی ہدایت پر مین شاہراہوں خصوصاً لیہ چوک اعظم روڈ پر پیچ ورک شروع کر دیا گیا ہے۔ یہ بات ایکسین ہائی ویز طاہر عزیز نے بتائی۔ انہوں نے کہا کہ لیہ چوک اعظم روڈ کے گڑھوں کی مرمت کی جا رہی ہے اور کام بہت جلد مکمل کر لیا جائے گا۔ انہوں نے مزید بتایا کہ چوک اعظم بائی پاس روڈ کی تعمیر و مرمت پر بھی کام جاری ہے جبکہ تھل جیپ ریلی کے راستوں اور روٹ پر بھی کام کیا جا رہا ہے۔
