لیہ(نمائندہ جنگ) ڈپٹی کمشنرامیرابیدار کی زیرصدارت پرائس کنٹرول مجسٹریٹس کی کارکردگی کاجائزہ اجلا س منعقدہوا۔اجلاس میں ایڈیشنل ڈپٹی کمشنر جنرل محمدشبیر احمد،اسسٹنٹ کمشنرز حار ث حمیدخان،انعم اکرم موجو دتھے۔ اجلاس سے خطاب کرتے ہوئے ڈپٹی کمشنرامیرابیدارنے کہاکہ مقررہ کردہ ریٹ پر اشیاءضروریہ کی فراہمی اولین ترجیح ہے اشیاءخورد نوش کی فروختگی طے کردہ نرخوں پر فراہمی کو یقینی بنانے کے لیے تمام پرائس کنٹرول مجسٹریٹس پڑتال کاسلسلہ جاری رکھیں۔انہوں نے کہاکہ گراں فروشی مناسب عمل نہیں دوکانداراپناجائزہ منافع رکھ کر اشیاءفروخت کریں ۔انہوں نے کہاکہ پرائس کنٹرول مجسٹریٹس مارکیٹوں میںریٹ لسٹوں کی موجودگی،اشیاءکی کوالٹی ،ایکسپائری تاریخ ،ریٹ واضح جگہ پر لکھ کر آویزاں کرنے ،وزن پمائش کی چیکنگ کریں تاکہ صارفین کو ریلیف فراہم کیاجاسکے۔اجلاس میں ضلع بھر کے پرائس کنٹرول مجسٹریٹس موجودتھے
