خاتون صوبائی محتسب پنجاب ریجنل آفس ملتان نے متاثرہ خاتون حسینہ مائی کو 50 لاکھ روپے کی وراثتی جائیداد 2 مرلہ 10 گز اراضی کا قبضہ دلادیا

ملتان (لیہ ٹی وی) خاتون صوبائی محتسب پنجاب ریجنل آفس ملتان نے متاثرہ خاتون حسینہ مائی کو 50 لاکھ روپے کی وراثتی جائیداد 2 مرلہ 10 گز اراضی کا قبضہ دلادیا. تفصیلات کے مطابق ملتان کے علاقے حسن آباد کی رہائشی خاتون حسینہ مائی نے خاتون صوبائی محتسب ریجنل آفس ملتان کو درخواست دی کہ اس کے والد کی وفات کے بعد اس کا بھائی لیاقت ولد غلام محمد وراثتی جائیداد پر قابض ہے اور اسے اس کا وراثتی جائیداد میں حق نہیں دے رہا. جس پر خاتون صوبائی محتسب پنجاب نبیلہ حاکم علی خان کے حکم پر ریجنل آفس نے کاروائی کرتے ہوئے خاتون حسینہ مائی کو اس کا وراثتی حق دلا دیا اور اراضی کا اس کو قبضہ بھی لے دیا. اس پر حسینہ مائی نے خاتون صوبائی محتسب پنجاب نبیلہ حاکم علی خان کا شکریہ ادا کیا.