ملتان(لیہ ٹی وی)محتسب پنجاب کے ریجنل آفس ملتان میں شکایت کنندگان کی دادرسی کا سلسلہ جاری ہے ایڈوائزر، ریجنل آفس، ملتان تنویر اقبال تبسم، کی رپورٹ کے مطابق ماہ اگست اور ستمبر 2024 میں متعدد سرکاری اداروں کیخلاف شکایت کنندگان کی دادرسی کی گئی۔ تفصیلات کے مطابق واسا کے حوالے سے سیوریج لائن کی بحالی اور درستی بل کی متعدد شکایات موصول ہوئیں اور متاثرین کی دادرسی کرائی گئی ہے۔ اسی طرح شہر کے مختلف علاقوں میں قائم غیر قانونی بھانوں کے خلاف کارروائی عمل میں لاتےہوئے انہیں شہر سے باہر منتقل کروایا گیا۔ گلیوں اور سڑکوں کی صفائی کے حوالے سے محکمہ سالڈ ویسٹ مینجمنٹ کمپنی بارے متعدد شکایات موصول ہوئیں جن پر متعلقہ ادارے سے عملدرآمد کروایا گیا۔ ڈرائیونگ لائسنس کے اجراء کے سلسلے میں ٹریفک پولیس بارے متعدد شکایات موصول ہوئیں جن میں متاثرین کی دادرسی کرائی گئی ہے۔ اسی طرح محکمہ پولیس کے خلاف 20 شکایات موصول ہوئیں جن پر کارروائی کرتے ہوئے ایف آئی آرز کا اندراج کرایا گیا نیز 40 ہزار روپے کی برآمدگی بھی عمل میں لائی گئی۔محکمہ مال میں ریونیو ریکارڈ کی درستی، تقسیم اراضی کی درخواستوں کے فیصلہ جات ، زیر التواء تحقیقات کی تکمیل اور نقولات کاشت کا اجراء کرتے ہوئے کئی لوگوں کے مسائل حل کروائے گئے۔ محکمہ ایکسائز
میں پراپرٹی ٹیکس نوٹسز کی صحیح تشخیص اور سمارٹ کارڈ کا اجراء کراتے ہوئے متعدد درخواست گزاروں کی دادرسی کرائی گئی۔ سیکنڈ ایئر میں داخلہ کے حصول اور مائیگریشن سرٹیفکیٹ کے اجراء کی بابت تعلیمی بورڈ بارے شکایات کا ازالہ کیا گیا۔ رہائشی علاقوں میں قائم غیر قانونی طور پر قائم فیکٹریز کے خلاف کاروائی عمل میں لاتے ہوئے محکمہ ماحولیات کی مدد سے انہیں رہائشی علاقوں سے باہر منتقل کیا گیا۔محکمہ صنعت، ناپ تول اور اوزان بارے شکایات پر محکمہ مذکور نے 109087 معائنے کئے اور 2950 خلاف ورزیوں پر کارروائی کرتےہوئے 11,952,800 روپے کےجرمانے عائد کئے گئے جبکہ 20 ایف آئی آرز کا اندراج کروا کے 155گرفتاریاں بھی عمل میں لائی گئیں۔ جبکہ بہبود فنڈ بورڈ لاہور سے فرحت عباس کو الوداعی گرانٹ کی مد میں مبلغ 169380 روپے اور ڈاکٹر ذوالفقار علی سید کو تعلیمی وظیفہ کی مد میں مبلغ 32,000 روپے کی ادائیگی کروائی گئی۔
اسی طرح ماس ٹرانزٹ اتھارٹی نے درخواست گزار کے زیر التواء واجبات مبلغ 130,3471روپے کی ادائیگی کی۔ جبکہ محکمہ ہائی وے
نے Patch work اور سڑکوں کی مرمت بارے متعدد شکایات کی بابت مبلغ 25 لاکھ کے فنڈز استعمال کرتے ہوئے دادرسی کو یقینی بنایا۔بہاءالدین زکریا یونیورسٹی کے
شکایت کننده اسد فرید کو بی اے کی ڈگری جاری کروائی گئی۔ جبکہ فوڈ ڈیپارٹمنٹ نے
474 ہوٹلوں اور ریستوران کو غیر معیاری خوراک کی فروخت پر مبلغ ایک کروڑ تین لاکھ ستاسی ہزار روپے کا جرمانہ عائد کیا نیز 17019 لیڑز غیر معیاری دودھ کی تلفی کرتے ہوئے مبلغ – 5710500 روپے کے جرمانہ جات عائد کیے۔
ان کارروائیوں پر تمام شکایت کنندگان نے دفتر محتسب پنجاب اور ایڈوائزر محتسب پنجاب ملتان ریجنل دف
