لیہ۔کروڑلعل عیسن (نمائندہ لیہ ٹی وی)روزہ حج زکوٰۃ سمیت نبی کریم صلی اللہ علیہ وسلم کی سنتوں پر عمل پیرا ہو کر اپنی زندگیاں گزاریں ان خیالات کا اظہار حضرت مولانا مفتی عبدالرشید نے التقویٰ مسجد میں الحاج محمد انور ظفر کی زیرِ صدارت ہونے والے جلسہ دستار فضیلت سے خطاب کرتے ہوئے کیا انہوں نے کہا کہ
ہم محمد رسول اللہ صلی اللہ علیہ وسلم کے بتائے ہوئے راستے پر عمل کرکے سچے عاشق ہونے کا ثبوت دیں اپنے بچوں کو قرآن کا حافظ بنائیں کسی کی دل آزاری نہ کریں رشوت دلالی سود غیبت چغلی کسی کا حق کھانا سراسر حرام ہے اس موقع پر الحاج محمد انور ظفر مولانا عبدالرشید طارق محمود پہاڑ قاری احسان اللہ فاروقی ڈاکٹر قذافی حسین نے 10حفاظ قرآن کی دستار بندی کی اور قرآن مجید کے نسخے پیش کیے اور ان کے والدین کو ہار پہنائے گئے جبکہ تقریب میں اسٹیج سیکرٹری کے فرائض قاری احسان اللہ فاروقی نے انجام دیے صدر التقویٰ ویلفیئر سوسائٹی ملک محمد اسماعیل کھوکھر سابق صدر انجمن تاجران طارق محمود پہاڑ ملک محمد مقبول کھوکھر ملک محمد اطہر اسراء ڈاکٹر محمد قذافی حسین سمیت سینکڑوں افراد نے شرکت کی
