لیہ( نمائندہ لیہ ٹی وی)ایڈیشنل ڈپٹی کمشنر جنرل محمدشبیر احمدکی زیرصدارت ڈسٹرکٹ پبلک سکول کے بورڈ آف گورنرز کا اجلاس منعقدہوا۔ اجلاس میں اسسٹنٹ کمشنر حارث حمیدخان،انعم اکرم،پرنسپلز محمداکرم جاوید،محمداحمد،طاہرہ ذوالفقارودیگرموجودتھے۔اجلاس میں چیئرمین بورڈ آف گورنرز کی ہدایت پر دو ایڈہاک اساتذہ کو مستقل کرنے،سالانہ فیس میں غیرمعمولی اضافہ ،آڈیٹوریم کی مرمت و تزئین آرائش،لائبریری کی اپ گریڈیشن،آئی ٹی لیب کی فلورنگ اور ٹائلنگ کرنے،واش رومز کی مرمت،آئی ٹی لیب کے لیے 20لیپ ٹاپ خریدنے ودیگر امور زیربحث لائے گئے۔
