لیہ(نمائندہ لیہ ٹی وی )وزیر اعلیٰ پنجاب مریم نواز شریف کے احکامات کی روشنی میں عوام کو علاج معالجے کی سہولیات گھر کی دہلیز پر فراہم کرنے کے لئے اقدامات جاری ہیں۔ ڈپٹی کمشنر امیرا بیدار کی ہدایت پر وزیر اعلیٰ پنجاب کلینک آن وہیلز پروگرام کے تحت یونین کونسل مڈی ٹاؤن گرلز پرائمری سکول 125 ٹی ڈی اے میں میڈیکل کیمپ لگایا گیا۔ اس دوران 130 بچیوں کی سکریننگ کی گئی۔ کلینک آن وہیلز کیمپ میں سکریننگ کے بعد بچیوں کو ادویات فراہم کی گئیں۔ ڈاکٹر مزمل کریم نے اس موقع پر بتایا کہ کلینک آن وہیلز کے تحت سکولوں میں بھی کیمپ با قاعدگی سے لگائے جا رہے ہیں اور بچوں کی سکریننگ کر کے ادویات فراہم کی جا رہی ہیں
