ڈیرہ غازی خان ( نمائندہ لیہ ٹی وی) ریجنل پولیس آفیسر ڈیرہ غازی خان کیپٹن (ر) سجاد حسن خان کے احکامات پر چاروں اضلاع میں 12 ربیع الاول کے تمام پروگرامز کے سیکیورٹی انتظامات مکمل ۔ریجن بھر میں عیدمیلادالنبی کے 191 جلوس ،70محفل میلاد کی سیکورٹی کے لیے4400 سے زائد افسران واہلکاران و 1013 ویلنٹئیرز تعینات ۔پروگرامز کی مانیٹرنگ کےلیے296سی سی ٹی وی کیمرےنصب،14 واک تھرو گیٹ اور753 میٹل ڈیٹیکٹر ز سے شرکاء کی تلاشی لی جائے گی ۔ ضلعی سربراہان کو سیکورٹی پلان پر عمل درآمدکو یقنیی بنانے کے احکامات جاری ۔ شہروں کے داخلی و خارجی راستوں ، بین الصوبائی بارڈرز اور چیک پوسٹوں پر سخت چیکنگ اور سکیورٹی قائم رکھنے کاحکم۔ تفصیلات کے مطابق ریجنل پولیس آفیسرڈی جی خان کیپٹن (ر) سجادحسن خان کے احکامات پر ریجن کےتمام اضلاع میں 12 ربیع الاول عیدمیلادالنبی پر سیکورٹی اقدامات مکمل کرکےحتمی سکیورٹی پلان جاری کردیا گیا ہے۔تمام اضلاع میں12 ربیع الااول کے سلسلہ میں عیدمیلادالنبی کے 191جلوس ،70محفل میلاد کے پروگرامز منعقدہوں گے جن کی سیکورٹی کے لیے20 ڈی ایس پیز ،18 انسپکٹرز سمیت 4400 سے زائد افسران واہلکاران تعینات کیئے گئے ہیں۔تمام اضلاع میں جلوس اور محفل میلادکی نگرانی وویڈیو ریکارڈنگ کے لیے 296سی سی ٹی وی کیمرے نصب کیئے گئے ہیں ۔14 واک تھرو گیٹ ،753 میٹل ڈیٹکٹر ز کے ذریعے جلوس اور محفل میلاد میں داخل ہونے والے افراد کی تلاشی لی جائے گی۔ پنجاب پولیس ،ایلیٹ فورس ،ڈولفن فورس، موٹرسائیکل اسکواڈ اور کوئیک ریسپانس فورس کی ٹیمیں بھی مسلسل فعال رہیں گی ۔ جلوسوں اور محافل میلادکے منتظمین کے تعاون سے1013ولینٹرز بھی معاونت کے فرائض سر انجا م دیں گے ۔ تمام جلوسوں کے روٹس کی بم ڈسپوزل اسکواڈ اور اسپیشل برانچ کے ذریعہ سکریننگ اور سکیننگ کی جائےگی۔ روٹ پر آنے والی عمارتوں پر سنائیپرز بھی تعینات کیے گئے ہیں۔ اس کے علاوہ تمام اضلاع میں پروگرامز کی براہ راست مانیٹرنگ کےلیے کنٹرول رومز قائم کیئے گئے جنہیں ریجنل پولیس آفس میں قائم کنٹرول روم کے ساتھ منسلک کیاگیاہے جو 24 گھنٹے فعال رہیں گے ۔اس موقع پر آر پی او کیپٹن (ر) سجاد حسن خان نے جملہ ڈسٹرکٹ پولیس آفیسران کو احکامات جاری کیئے کہ جاری کردہ سیکورٹی پلان عمل درآمدیقنیی بنائیں۔ تمام اضلاع میں جلوسوں اور محفل میلاد کے پروگرامز کے گردونواح کے علاقہ جات میں سرچ، سویپ اور کومبنگ آپریشنز کئے جائیں ۔ تمام مکاتب فکر کے علماء،امن کمیٹی، تاجروں اور انتظامیہ کےباہمی تعاون سے امن کو برقرار رکھا جائے ۔ حکومت کی جانب سے جاری کردہ ضابطہ اخلاق پر عمل درآمد کوہرصورت یقینی بنایا جائے۔ شہروں کے داخلی و خارجی راستوں ، بین الصوبائی بارڈرز ،چیک پوسٹوں اور انٹری پوائنٹس پر سخت سکیورٹی اور چیکنگ کو جاری رکھا جائے ۔آر پی او کیپٹن (ر) سجاد حسن خان کے احکامات پر اہم مقامات، مصروف شاہرات اور مارکیٹوں کی سکیورٹی کے خصوصی انتظامات کرتے ہوئےپولیس کی اضافی نفری تعینات کردی گئی ہے جبکہ شاہراؤں پر ٹریفک کی روانی کو برقرار رکھنے کےلیے ٹریفک پولیس کی اضافی نفری بھی تعینات کی گئی ہے ۔
