ڈپٹی کمشنر وسیم حامد سندھو اور سی پی او صادق علی ڈوگر نے گزشتہ روز خانقاہ حامدیہ قلعہ کہنہ کا دورہ کیا اور میلاد فاؤنڈیشن پاکستان کے وفد سے ملاقات کی

ملتان ( لیہ ٹی وی)ڈپٹی کمشنر وسیم حامد سندھو اور سی پی او صادق علی ڈوگر نے گزشتہ روز خانقاہ حامدیہ قلعہ کہنہ کا دورہ کیا اور میلاد فاؤنڈیشن پاکستان کے وفد سے ملاقات کی، اس موقع پر سجادہ نشین خانقاہ حامدیہ صاحبزادہ قاری ناصر میاں خان نقشبندی ،صدر میلاد فاو¿نڈیشن پاکستان زاہد بلال قریشی، جنرل سیکرٹری ڈاکٹر اشرف علی قریشی ایڈوکیٹ بھی موجود تھے۔ اس موقع پر گفتگو کرتے ہوئے صدر میلاد فاؤنڈیشن پاکستان زاہد بلال قریشی نے کہا کہ میلاد جلوسوں کے مسائل حل کرنے کے لیے ملتان انتظامیہ بھرپور کردار ادا کرے ، زاہد بلال قریشی نے میلاد فاؤنڈیشن پاکستان کے زیر اہتمام 39 جلوسوں کے تفصیلی مسائل سے آگاہ کیا اور ان مسائل کےحل کے لیے فوری اقدامات پر زور دیا، ڈی سی وسیم حامد نے میلاد فاؤنڈیشن کے زیر اہتمام میلاد جلوسوں کے مسائل حل کرنے کے لیے موقع پر احکامات جاری کئے، ڈی سی وسیم حامد کا کہنا تھا کہ میلاد جلوسوں کے مسائل ترجیحی بنیادوں پر حل کیے جائیں گے، انہوں نے کہا کہ ملتان انتظامیہ سی ایم پنجاب مریم نواز کے ویڑن کی روشنی میں عوام کے بنیادی مسائل کے حل کے لیے دن رات کوشاں ہے، سی پی او ملتان صادق ڈوگر نے کہا کہ سکیورٹی اور ٹریفک کے مسائل حل کرنے کے لیے ورکنگ پلان ترتیب دے دیا ہے، ہم تمام جلوس منتظمین کی آراء کی روشنی میں احکامات جاری کر رہے ہیں، اس سال میلادالنبی صلی اللّٰہ علیہ وسلم کے جلوسوں کے لیے انتظامات میں واضح بہتری نظر ائے گی۔قبل ازیں سینیئر نائب صدر حاجی اقبال عادل، چیئرمین ڈاکٹر عمران مصطفٰی کھوکھر ،وائس چیئرمین علامہ حامد الرحمٰن حامدی سلطانی، صدر مرکزی جماعت اہل سنت ملتان محمد سلیم قریشی حامدی، مفتی محمد اسلم فیضی، ملک عامر علی وینس ،سید ارشاد گیلانی، محمد الیاس قریشی حامدی،حافظ ظفر حامدی ،قاری محمد طاہر فیضی، حافظ منظور الہی حامدی ،حافظ ناصر خان نعیم ،مقصود احمد نیازی ،صاحبزادہ اشرف جعفری بخاری ،سی ایس او ابراہیم سیف، فدا محمد حامدی و دیگر موجود تھے