لیہ (نمائندہ لیہ ٹی وی)ریسکیو 1122،طلباء کے لیے ابتدائی طبی امداد سے متعلق عملی تربیتی سیشن کا انعقاد۔ گورنمنٹ ووکیشنل ٹریننگ انسٹیٹیوٹ چوک اعظم میں سیکریٹری ایمرجنسی سروسز ڈاکٹر رضوان نصیر ستارہ امتیاز کے ویژن، ہیڈ آف کمیونیٹی سیفٹی ونگ میڈیم دیبا شہناز اختر کے احکامات اور ڈویژنل ایمرجنسی آفیسر جناب ڈاکٹر ناطق حیات غلزئی و ڈسٹرکٹ ایمرجنسی آفیسر لیہ ڈاکٹر سجاد احمد کی ہدایات پر
طلباء کے لئے چار روزہ( CADRE)کمیونٹی ایکشن ڈیزاسٹر ریسپونس پروگرام ٹریننگ کا انعقاد کیا گیا۔ ریسکیو سیفٹی آفیسر محمد اکرم اویسی نے عمومی خطرات،خاندان کی حفاظت اور امدادی کاروائی کی تیاری، فرسٹ ایڈ(Basic Life Support S) ،
آگ کی ایمرجنسی، انسیڈنٹ کمانڈ سسٹم اور متاثرین کی درجہ بندی، بنیادی تلاش ، پانی کی ایمرجنسی، سے متعلق تفصیلی طور پر بتایا اور اس کا عملی مظاہرہ بھی کروایا۔ ٹریننگ کا مقصد تمام شرکاء کو ایمرجنسی ہینڈلنگ کے متعلق آگاہی دینا تھا تاکہ دورانِ ایمرجنسی ریسکیو 1122 کے پہنچنے تک وہاں پر موجود لوکل کمیونٹی جائے حادثہ پر موجود زخمیوں
کی فوری مدد کر سکیں اور قیمتی انسانی جانوں کو بر وقت بچا کر محفوظ معاشرے کا قیام عمل میں لایا جا سکے۔
پرنسپل انجینئر محمد فاروق نے طلباء کے لئے انعقاد پزیر ابتدائی طبی امداد کے اس تربیتی پروگرام کو محفوظ معاشرے کے قیام کے لیے ریڑھ کی ہڈی قرار دیا اور ریسکیو 1122 کی اس کاوش کو سراہا۔
