پاک افواج قوم کا فخر اور ملک کی بقا ہے، علیم خان

اسلام آباد (لیہ ٹی وی) وفاقی وزیر برائے نجکاری عبدالعلیم خان نے کہا ہے کہ ملک کو دہشت گردی اور دشمن کی گھناؤنی چالوں کا سامنا ہے۔یوم دفاع پر اپنے پیغام میں انہوں نے کہا کہ ان مشکل حالات میں ایک بار پھر ہر پاکستانی کو پاک فوج کے ساتھ کھڑا ہونا چاہیے۔اس سال ہم سب کو یوم دفاع کو ’’یوم وفا‘‘ کے طور پر منانے کا عہد کرنا چاہیے کیونکہ افواج پاکستان پوری قوم کا فخر ہے افواج پاکستان پوری قوم کا فخر ہے اور وطن عزیز کی بقا ’’وفاداری‘‘ میں مضمر ہے۔ 6 ستمبر 1965 کے دن دشمن کو سبق سکھاتے ہوئے افواج پاکستان نے جس بہادری اور جرات کی داستانیں رقم کیں وہ ہمیشہ یاد رکھی جائیں گی۔انہوں نے کہا کہ 6 ستمبر مادر وطن کے لیے قربانیوں کے عزم کی تجدید کرتا ہے اور یوم دفاع پر ہم سب اپنی بہادر فوج، بحریہ اور فضائیہ کو سلام پیش کرتے ہیں۔دریں اثناء عبدالعلیم خان سے تحریک پاکستان کے سینئر رہنما صمصام علی بخاری نے ملاقات کی جس میں مختلف باہمی اور سیاسی امور پر تبادلہ خیال کیا گیا۔عبدالعلیم خان نے سید صمصام علی بخاری کو پارٹی کا سینئر نائب صدر نامزد کیا اور انہیں نوٹیفکیشن دیتے ہوئے ان کے لیے نیک خواہشات کا اظہار کیا۔سید صمصام علی بخاری نے سینئر نائب صدر کے طور پر نامزدگی پر اظہار تشکر کرتے ہوئے کہا کہ وہ اس ذمہ داری کو پورا کریں گے اور پارٹی کو مضبوط بنانے میں فعال کردار ادا کریں گے۔اس موقع پر تحریک پاکستان پارٹی پنجاب کے صدر رانا نذیر احمد خان بھی موجود تھے۔دریں اثناء رکن قومی اسمبلی ارمغان سبحانی، رکن پنجاب اسمبلی وقار چیمہ اور مسلم لیگ (ن) کے رہنمائوں اظہر قیوم نہرا اور ذوالفقار بھنڈر نے بھی وفاقی وزیر اور استحکام پاکستان پارٹی کے صدر عبدالعلیم خان سے ملاقات کی اور انہیں اپنے مسائل سے آگاہ کیا۔ عبدالعلیم خان نے ان کے مسائل سنے اور انہیں جلد از جلد حل کرنے کے لیے مکمل تعاون کی یقین دہانی کرائی۔