لیہ(نمائندہ لیہ ٹی وی)ڈپٹی کمشنر امیرابیدار کی ہدایت پر ضلع بھر کے پرائس کنٹرول مجسٹریٹس کی طرف سے ریٹ لسٹ پر عملدرآمد کو یقینی بنانے کے لئے مارکیٹوں میں آٹا،،دالیں،سبزیوں و پھلوں ویگر اشیاءضروریہ کی ریٹ لسٹ کے مطابق فروختگی کو چیک کیاجارہا ہے اور خلاف ورزی کرنے والے دوکانداروں کو جرمانے کیے جارہے ہیں۔اس سلسلہ میں پرائس کنٹرول مجسٹریٹس نے ضلع کی مختلف مارکیٹوں میں اشیاءخوردنوش کی فروختگی کاجائزہ لیا اور خلاف ورزی پرجرمانہ عائد کیے۔پرائس کنٹرو ل مجسٹریٹس نے دوکانداروں کوہدایت دیتے ہوئے کہاکہ مارکیٹوں میں ضلعی انتظامیہ کی طرف سے جاری کردہ اشیاءخورد نوش کی ریٹ لسٹ پر عمل درآمد کو یقینی بنایاجائے دوکانوں میں وائٹ بورڈ پر اشیاءخوردنوش کے ریٹ واضح آویزاں کیاجائے معائنوں کا مقصدکسی پربلاجواز جرمانے کرنا ہرگز نہیں ہے تاجربرادری طے کردہ ریٹ لسٹ کے مطابق اشیاءخورد نوش کی فروختگی کو یقینی بنائیں
