اتائیت کے خلاف ضلعی انتظامیہ فیلڈ میں متحرک، قوانین کی خلاف ورزی کرنے پررشید لیبارٹری ، انمول لیبارٹری،حسینہ بلڈ بنک سیل

لیہ( نمائندہ لیہ ٹی وی)وزیر اعلی پنجاب مریم نواز شریف کی ہدایت پراتائیت کے خلاف ضلعی انتظامیہ فیلڈ میں متحرک ہے ۔حکومت پنجاب کے وضع کردہ ایس اوپیز کے مطابق محکمہ صحت کے ڈاکٹرز،ڈرگ انسپکٹرز میڈیکل سٹور ز،کلینک،لیبارٹریوں کا معائنہ کررہے ہیںاور غیرقانونی کام کرنے والے ،ایس اوپیز کی خلاف ورزی پر سیل کیاجارہاہے ۔ ڈپٹی ڈسٹرکٹ ہیلتھ آفیسر کروڑ ڈاکٹر سعادت علی شاہ نے فتح پور شہر میں رشید لیبارٹری ، انمول لیبارٹری،حسینہ بلڈ بنک کامعائنہ کیااور گورنمنٹ کے واضح کردہ قوانین کی خلاف ورزی تمام کو سیل کردیا۔ڈرگ انسپکٹرتحصیل چوبارہ ڈاکٹر اویس قمر نے تحصیل چوبارہ کے مختلف مقامات پر سیل پوائنٹس کا دورہ کیا خلاف ورزی کرنے والے ایک سیل پوائنٹ کے خلاف چالان کیا گیا۔ ڈرگ انسپکٹر عدنان کمال نے فیضان ہومیو کلینک چک نمبر 117 اے ٹی ڈی اے کے خلاف کاروائی کرتے ہوئے چالان کیا۔