پنجاب ہیومن کیپٹل انویسٹمنٹ پراجیکٹ کا 12 واں جائزہ اجلاس

لیہ(لیہ ٹی وی ) پنجاب ہیومن کیپٹل انویسٹمنٹ پراجیکٹ کا 12 واں جائزہ اجلاس ڈپٹی کمشنر آفس میں منعقد ہوا۔ اجلاس کی صدارت ایڈیشنل ڈپٹی کمشنر ریونیو شاہد ملک نے کی۔ اجلاس میں سی ای او ہیلتھ ڈاکٹر شاہد ریاض، ڈاکٹر مزمل کریم، ڈی ڈی او ایجوکیشن گل شیر نے شرکت کی۔ ڈسٹرکٹ کوآرڈینیٹر محمد منشاءنے اجلاس میں بریفنگ دیتے ہوئے بتایا کہ ضلع میں پی ایچ سی آئی پی کے تحت بنیاد پروگرام کے تحت 454 سکولوں کی اپ گریڈیشن مکمل کی جا چکی ہے جس میں ارلی چائلڈ ہڈ کیئر ایجوکیشن کے تحت تمام سہولیات فراہم کی گئی ہیں جہاں 19 ہزار سے زائد بچوں کا داخلہ کیا گیا ہے۔ بریفنگ میں بتایا گیا کہ ضلع میں مزید 392 سکولوں کی اپ گریڈیشن پر کام جاری ہے۔ اجلاس میں بتایا گیا کہ آغوش پروگرام کے تحت ضلع میں 44 ہزار سے زائد حاملہ اور دودھ پلانے والی خواتین/ مائیں رجسٹرڈ ہیں۔ اجلاس میں بتایا گیا کہ پی ایچ سی آئی پی سے معلومات کے لئے ٹال فری نمبر 1221 پر بھی رابطہ کیا جا سکتا ہے۔ ایڈیشنل ڈپٹی کمشنر نے پنجاب ہیومن کیپٹل انویسٹمنٹ پراجیکٹ کی کارکردگی کو سراہا