لیہ: ایڈیشنل ڈپٹی کمشنر جنرل شبیر احمد ڈوگر نے ڈی ایچ کیو ہسپتال لیہ کا دورہ کیا اور ہنگامی صورتحال سے نمٹنے کے لیے منعقدہ موک ایکسرسائز کا جائزہ لیا۔ موک ایکسرسائز کا مقصد ہسپتال کے ایمرجنسی رسپانس پروٹوکولز، سکیورٹی انتظامات اور ڈیزاسٹر مینجمنٹ کے لیے تیاریوں کو جانچنا تھا۔ اس موقع پر ایڈیشنل ڈپٹی کمشنر نے ہسپتال کے عملہ کی عملی استعداد، ایمرجنسی صورتحال سے نمٹنے کے طریقہ کار اور مختلف محکموں کے مابین باہمی رابطہ و تعاون کا معائنہ کیا۔ انہوں نے ہدایت کی کہ کسی بھی ہنگامی صورتحال یا ناگہانی حادثے کی صورت میں بروقت اور مؤثر رسپانس کو یقینی بنانے کے لیے تمام متعلقہ محکمے مکمل طور پر تیار رہیں۔ انہوں نے کہا کہ موک ایکسرسائزز کا انعقاد ہنگامی حالات میں اداروں کی تیاری، باہمی رابطہ اور فوری اقدامات کی صلاحیت کو جانچنے میں اہم کردار ادا کرتا ہے۔ اس موقع پر ایم ایس ڈاکٹر حیات اللّہ اور ڈسٹرکٹ ایمرجنسی آفیسر ڈاکٹر سجاد بھی موجود تھے۔
