لیہ:اسسٹنٹ کمشنر کروڑ اصغر علی چیمہ نے تحصیل آفس کی مختلف شعبہ جات کا معائنہ کیا۔ انہوں نے عملے کی حاضری، حاضری رجسٹر، دفتری امور، صفائی ستھرائی اور شہریوں کے لیے ٹھنڈے پینے کے پانی سمیت دیگر دستیاب سہولیات کا جائزہ لیا۔ انہوں نے مختلف برانچز میں موجود عملے کی موجودگی اور دفتری امور کی انجام دہی بھی چیک کی۔اسسٹنٹ کمشنر نے تحصیل آفس میں کام کے سلسلے میں آنے والے شہریوں سے ان کے مسائل اور سرکاری امور کی انجام دہی کے حوالے سے بھی دریافت کیا۔ انہوں نے افسران و اہلکاروں کو ہدایت کی کہ دفتر آنے والے شہریوں کے ساتھ خوش اخلاقی اور مناسب رویہ اختیار کیا جائے، ان کے مسائل کو ترجیحی بنیادوں پر سنا جائے اور ان کے کام بروقت مکمل کیے جائیں۔ انہوں نے کہا کہ شہریوں کو سرکاری خدمات کی فراہمی میں کسی قسم کی غیر ضروری تاخیر نہیں ہونی چاہیے جبکہ دفتر میں صفائی ستھرائی اور نظم و ضبط کے معیار کو بھی ہر صورت برقرار رکھا جائے۔
