لیہ:ایڈیشنل ڈپٹی کمشنر میونسپل سروسز/منیجنگ ڈائریکٹر ستھرا پنجاب ایجنسی لیہ شبیر احمد ڈوگر نے صبح سویرے شہر کے مختلف مقامات کا دورہ کیا اور ستھرا پنجاب پروگرام کے تحت جاری صفائی آپریشن کا جائزہ لیا۔ انہوں نے مختلف مقامات پر صفائی عملہ کی حاضری اور فیلڈ میں موجودگی چیک کرنے کے ساتھ ساتھ جاری صفائی سرگرمیوں کا بھی معائنہ کیا۔اس موقع پر اے ڈی سی شبیر احمد ڈوگر نے کہا کہ وزیراعلیٰ پنجاب مریم نواز شریف کا ستھرا پنجاب پروگرام صوبے میں صاف ستھرے اور صحت مند ماحول کے قیام کی جانب ایک شاندار اور انقلابی اقدام ہے، جس کے مثبت ثمرات عوام تک پہنچ رہے ہیں۔انہوں نے کہا کہ صفائی کے مؤثر نظام کے باعث شہری علاقوں میں صفائی ستھرائی کی صورتحال میں نمایاں بہتری آ رہی ہے اور شہریوں کو بہتر میونسپل سروسز کی فراہمی یقینی بنائی جا رہی ہے۔انہوں نے صفائی عملہ کو ہدایت کی کہ وہ اپنی ڈیوٹی پوری ذمہ داری اور محنت سے سرانجام دیں اور فیلڈ میں بروقت موجودگی یقینی بناتے ہوئے صفائی کے مقررہ شیڈول پر ہر صورت عملدرآمد کریں۔
