لیہ:ڈپٹی کمشنر لیہ آصف علی ڈوگر نے بہادر ڈیجیٹل لائبریری کا دورہ کیا اور منصوبے پر جاری کام کا معائنہ کیا اور متعلقہ افسران سے منصوبے کی موجودہ صورتحال کے بارے میں بریفنگ حاصل کی۔ڈپٹی کمشنر آصف علی ڈوگر نے ہدایت کی کہ بہادر ڈیجیٹل لائبریری کے باقی ماندہ کام کو مکمل و ودیگر فرنیچر کو جلد از جلد پورا کیا جائے اور اسے طلبہ و شہریوں کے لیے فعال کرنے کے حوالے سے ضروری اقدامات بروئے کار لائے جائیں۔ انہوں نے کہا کہ بہادر ڈیجیٹل لائبریری طلبہ، نوجوانوں اور شہریوں کے لیے جدید تعلیمی و مطالعاتی سہولیات کے حصول میں اہم کردار ادا کرے گی۔انہوں نے مزید کہا کہ لائبریری کو جلد فعال بنانے سے طلبہ اور دیگر شہری جدید تعلیمی و مطالعاتی سہولیات سے مستفید ہو سکیں گے۔ متعلقہ افسران منصوبے کے باقی کام کو مقررہ معیار کے مطابق جلد مکمل کریں اور لائبریری کو عوام کے لیے قابلِ استعمال بنانے کے لیے تمام ضروری انتظامات یقینی بنائیں۔اس موقع پر ڈپٹی ڈائریکٹر کالجز ذوالفقار حیدری،اسسٹنٹ ڈائریکٹر پلاننگ اسحاق کھیرانی ودیگر ہمراہ تھے۔
