لیہ: ڈپٹی کمشنر لیہ آصف علی ڈوگر کی ہدایت پر ایڈیشنل ڈپٹی کمشنر ہیڈکوارٹرز اویس سرور چشتی نے ڈسٹرکٹ ہیڈکوارٹر ہسپتال لیہ کا دورہ کیا اور مختلف وارڈز کا معائنہ کرتے ہوئے مریضوں کو فراہم کی جانے والی طبی سہولیات، مریضوں کی نگہداشت، صفائی ستھرائی اور ہسپتال کے انتظامی امور کا تفصیلی جائزہ لیا۔ اس موقع پر انہوں نے زیر علاج مریضوں اور ان کے لواحقین سے ملاقات کی اور انہیں فراہم کی جانے والی طبی سہولیات بارے دریافت کیا۔ اسسٹنٹ کمشنر ہیڈکوارٹرز اویس چشتی نے ہسپتال انتظامیہ کو ہدایت کی کہ مریضوں کو معیاری طبی سہولیات کی فراہمی، بہتر نگہداشت اور علاج معالجہ کے لیے تمام ضروری اقدامات یقینی بنائے جائیں۔ انہوں نے کہا کہ سرکاری ہسپتالوں میں آنے والے مریضوں کو بروقت اور بہترین طبی سہولیات کی فراہمی حکومت پنجاب کی ترجیحات میں شامل ہے اس سلسلہ میں کسی قسم کی غفلت نہ کی جائے۔ اس موقع پر چیف ایگزیکٹو آفیسر صحت ڈاکٹر شاہد ریاض اور میڈیکل سپرنٹنڈنٹ ڈاکٹر حیات اللہ نے ہسپتال کے مختلف امور اور مریضوں کو فراہم کی جانے والی طبی سہولیات بارے بریفنگ دی۔
