لیہ: وزیر اعلیٰ کی بلا سود قرض سکیموں سے عوام کو اپنے گھر اور کاروبار کا مالک بننے کا موقع۔ ڈپٹی کمشنر آصف علی ڈوگر کی زیر صدارت دی اربن یونٹ پلاننگ اینڈ مینجمنٹ اتھارٹی لیہ کا اجلاس کمیٹی روم میں منعقد ہوا۔ اجلاس میں ایڈیشنل ڈپٹی کمشنرز عابدہ فرید، شبیر احمد ڈوگر، ڈویژنل منیجر شہاب الدین، ڈسٹرکٹ منیجر ضیاء الرحمن، سپروائز محمد فہیم اور دیگر افسران نے شرکت کی۔ اجلاس میں وزیر اعلیٰ پنجاب ’’اپنی چھت، اپنا گھر‘‘، ’’آسان کاروبار کارڈ‘‘، ’’آسان کاروبار فنانس‘‘ سمیت دیگر بلا سود قرض سکیموں پر عملدرآمد کا تفصیلی جائزہ لیا گیا۔ اجلاس میں بتایا گیا کہ ’’اپنی چھت، اپنا گھر‘‘ پروگرام کے تحت ضلع لیہ سے تقریباً 3 ہزار درخواستیں موصول ہوئی ہیں، جن میں سے 21 سو سے زائد درخواستوں پر گھروں کی تعمیر کے لیے مجوزہ سائٹس کا سروے مکمل کیا جا چکا ہے، جبکہ 13سو خاندانوں کو گھر کی تعمیر کے لیے رقوم بھی ادا کی جا چکی ہیں۔ اجلاس میں بتایا گیا کہ نئے کاروبار کے آغاز اور موجودہ کاروبار میں توسیع کے لیے وزیر اعلیٰ پنجاب آسان کاروبار سکیم کے تحت 60 لاکھ سے 3 کروڑ روپے تک بلا سود قرض فراہم کیا جا رہا ہے۔ ڈپٹی کمشنر آصف علی ڈوگر نے کہا کہ وزیر اعلیٰ پنجاب مریم نواز شریف معاشی استحکام، غربت کے خاتمے اور معاشی مساوات کے لیے عملی اقدامات کر رہی ہیں۔ ان فلاحی سکیموں سے عوام اپنے گھر اور کاروبار کے مالک بن سکتے ہیں، جبکہ کاروباری سرگرمیوں کے فروغ سے ملکی معیشت کی بہتری اور برآمدات میں اضافے میں بھی مدد ملے گی۔ انہوں نے متعلقہ افسران کو ہدایت کی کہ حکومتی سکیموں کے بارے میں زیادہ سے زیادہ عوام کو آگاہی فراہم کی جائے اور درخواست گزاروں کو مکمل اور بہتر رہنمائی فراہم کی جائے تاکہ زیادہ سے زیادہ مستحق خاندان ان پروگراموں سے مستفید ہو سکیں۔اجلاس میں
نشیبی علاقوں میں جاری پری فلڈ سروے کے بارے بھی ڈپٹی کمشنر کو بریفننگ دی گئی
