لیہ: ایڈیشنل ڈپٹی کمشنر جنرل / ایم ڈی ستھرا پنجاب لیہ شبیر احمد ڈوگر نے ستھرا پنجاب کی کارکردگی اور گلی محلہ کی سطح پر جاری ڈور ٹو ڈور آگاہی مہم کا جائزہ لینے کے لیے وارڈ نمبر 11 محلہ منظور آباد کا دورہ کیا۔ اس موقع پر تحصیل منیجر محمد عابد ندیم نے ایڈیشنل ڈپٹی کمشنر کو صفائی ستھرائی کے اقدامات اور ڈور ٹو ڈور آگاہی مہم کے حوالے سے تفصیلی بریفنگ دی۔ ایڈیشنل ڈپٹی کمشنر نے صفائی کے نظام کا جائزہ لیتے ہوئے متعلقہ افسران کو صفائی ستھرائی کے عمل کو مزید مؤثر بنانے اور گلی محلوں میں صفائی کے معیار کو بہتر رکھنے کی ہدایات جاری کیں۔ انہوں نے کہا کہ ستھرا پنجاب پروگرام کے تحت صفائی کے نظام کو مؤثر بنانے کے ساتھ ساتھ شہریوں میں صفائی کی اہمیت اور ذمہ داریوں کے حوالے سے شعور اجاگر کیا جائے۔ انہوں نے ڈور ٹو ڈور آگاہی مہم کو مزید مؤثر بنانے اور شہریوں کی بھرپور شمولیت یقینی بنانے کی بھی ہدایت کی۔
