لیہ: ڈپٹی کمشنر آصف علی ڈوگر نے تحصیل چوبارہ کا دورہ کیا اور جاری ترقیاتی و تعمیراتی کاموں کا تفصیلی جائزہ لیا۔ انہوں نے کیمپ آفس چوبارہ، تحصیل آفس اور پیرا انفورسمنٹ اسٹیشن کے جاری تعمیراتی کاموں کا معائنہ کیا۔ ڈپٹی کمشنر نے کیمپ آفس اور پیرا انفورسمنٹ اسٹیشن اور ریسٹ ہاؤس چوبارہ کے تعمیراتی کام کی رفتار اور معیار کا جائزہ لیتے ہوئے متعلقہ ٹھیکیدار اور اسسٹنٹ کمشنر چوبارہ کو تعمیراتی کام مقررہ معیار کے مطابق بروقت مکمل کرنے کی ہدایات جاری کیں۔ ڈپٹی کمشنر نے تحصیل آفس چوبارہ میں شہریوں کو فراہم کی جانے والی ریونیو خدمات اور دیگر انتظامات کا بھی جائزہ لیا۔ انہوں نے اسسٹنٹ کمشنر چوبارہ کو ہدایت کی کہ عوام کو ریونیو سے متعلقہ سہولیات کی بروقت اور بہتر فراہمی ہر صورت یقینی بنائی جائے اور شہریوں کے مسائل کے حل میں تاخیر نہ کی جائے۔
