کراچی: کراچی میں 22 کروڑ روپے کی چوری کی بڑی واردات میں ملوث دو ملزمان کو لاہور سے گرفتار کر لیا گیا۔
ترجمان ڈی آئی جی آپریشنز کے مطابق گرفتار ملزمان میں مہتاب اور اس کا رشتے دار عبدالرحمٰن شامل ہیں، جنہیں جھنگ سے گرفتار کیا گیا۔ پولیس کے مطابق ملزم مہتاب کے خلاف چوری اور نقب زنی کے 18 مقدمات درج ہیں اور وہ رواں سال اپریل میں کراچی کے علاقے صدر میں ہونے والی 22 کروڑ روپے کی چوری کی واردات میں ملوث رہا ہے۔
پولیس ترجمان کے مطابق گرفتار ملزمان جھنگ، فیصل آباد اور رحیم یار خان میں بھی چوری کی مختلف وارداتوں میں ملوث رہے ہیں۔ ملزم عبدالرحمٰن کے قبضے سے 9 ایم ایم پستول اور گولیاں بھی برآمد کی گئی ہیں۔
ڈی آئی جی آپریشنز کے ترجمان نے مزید بتایا کہ ملزمان سے اسلام آباد کے تھانہ رمنا میں درج چوری کے مقدمے کا مسروقہ سامان بھی برآمد کر لیا گیا ہے۔ پولیس نے ملزمان کے خلاف مزید قانونی کارروائی شروع کر دی ہے۔
